Debate të forta po zhvillohen në mbledhjen e kryesisë së Partisë Demokratike.
Debatet janë zhvilluar mes deputetit Flamur Noka dhe kreut të PD-së Lulzim Basha. Noka i ka kërkuar shpjegime kreut të demokratëve mbi ecurinë dhe vendimin për Sali Berishën, ku ky i fundit u përjashtua nga grupi Parlamentar i PD me vendim të Bashës.
Gjatë debatit, kreu i PD-së është shprehur se baza e partisë është me ish-kryeministrin Sali Berisha, ndërsa është është shprehur se nuk do të lejojë mbledhjen e një kongresi anti-amerikan.
‘Baza është me Sali Berishën, por nuk do të lejoj një kongres anti-Amerikan’, mësohet se është shprehur Basha.
Në ballafaqimin mes këtyre dy figurave të PD-së, mësohet se Noka e ka bërë përgjegjës Bashën në atë që ai e quan ‘ngulje thike pas shpine ndaj PD-se’.
Noka: T’i je përgjegjës që i ke ngulur një thikë pas shpine PD-se. Ti pavarësisht kësaj, ke thënë se është vendimi i jetës time.
Basha: Mos thoni gjysmë të vërteta, kam thënë vendimi më i vështirë që kam marrë.
