Një ditë pas vrasjes së efektivit të policisë, Saimir Hoxha, Ministri i Brendshëm, Bledi Çuçi në një deklaratë për gazetarët ka thënë se shumë shpejt do të ketë një informacion të plotë rreth situatës
Ministri Çuçi thotë se sot do të përcillet polici si Dëshmor Atdheu teksa theksoi se SHÇBA po bën punën e saj.
Policia e ka bërë të qartë edhe operacionin për të cilin forcat e policisë ishin dje në të ngjarje për fat të keq tragjike. Kështu që besoj se në drejtorinë e policisë do të merrni informacionin për atë situatë”, tha ministri.
Sa i takon operacioneve antidrogë, ministri tha se ky do të jetë viti më i suksesshëm në luftën kundër kultivimit të drogës.
“Shkoni në drejtorinë e policisë dhe aty do ti gjeni. Ju siguroj që lufta kundër fenomenit të mbjelljes së kanabisit ka shënuar majat këtë vit. Së pari është numri i hektarëve që janë asgjësuar, është presioni që është rritur nga trafikantët në lidhje me mungesën në treg të këtij produkti narkotik dhe janë të dhëna të tërthorta, nuk ka asnjë gomone të kapur këtë vit me kanabis. Këto janë tregues që ky fenomen është zvogëluar. Besoj se do jetë një nga vitet më të suksesshme”, tha ministri.
